Usa ka 60-anyos nga mag-uuma sa China ang nakahimo og desisyon sa pagputol sa iyang kaugalingong tudlo human siyang gipaak sa usa ka bitin nga iyang gituohang venomous pero ulahi na niyang nasayran nga dili diay peligroso ang maong bitin
Sumala sa ulat sa ScienceAlert, ang lalaki nga gitawag og Zhang nagtrabaho sa Shangyu district sa Zhejiang province sa dihang gipaak siya sa usa ka bitin nga iyang gihunahuna nga mao ang giingong “five-step snake”, usa ka klase sa bitin nga sumala sa mito makapatay kuno sa biktima sulod lang sa lima ka lakang human maigo.
Tungod sa kahadlok ug tensiyon, nisulod si Zhang sa panik ug giputol dayon ang iyang tudlo aron mapugngan matod pa nga moabot sa iyang kasingkasing ang venom.
Apan sa pag-abot niya sa ospital, gisusi sa mga doktor ang samad ug nakumpirma nga dili diay peligroso ang paak. Giklaro sa medical staff nga dili unta kinahanglan putlon ang tudlo sa mag-uuma tungod kay dili hulga sa iyang kinabuhi ang paak sa maong bitin.
Giingon sa mga doktor nga mas dako pa ang kadaot nga nadawat ni Zhang sa iyang kaugalingon nga aksyon kay sa paak sa bitin, ug gipasabot nila nga ang maong matang sa insidente usa ka pananglitan sa kahimtang kon ang kahadlok mo unang modaog kaysa tinuod nga medikal nga impormasyon.
via: BRAIN MONKEY
Photo Courtesy to:Shutterstock
