Dili makaduwa si Justin Brownlee sa Gilas Pilipinas sa Southeast Asian Games (SEA Games) karong Disyembre sa Thailand. Kini tungod sa pagdili sa organizer sa mga naturalized player nga makaduwa sa nahisgutang torneyo.
Hinuon, si Ange Kouame tugutan nga makaduwa sa 3×3 basketball, diin gitugutan ang mga naturalized player.
Tungod niini, gilauman nga si Jamie Malonzo ang mahimong ipuli nga makaduwa, kinsa usa usab sa gitan-aw nga moapil sa first window sa FIBA Basketball World Cup Asian Qualifiers batok sa Guam.
Kahinumduman, si Norman Black ang mahimong coach sa Gilas Pilipinas sa SEA Games, diin apil sa mga magduduwa sila si: Ray Parks, Thirdy Ravena, Remy Martin, Matthew Wright, Jason Brickman, Dave Ildefonso, Brandon Ganuelas-Rosser, Mike Phillips, Kymani Ladi, ug Veejay Pre.
Photo courtesy:NBA G LEAGUE
