Gipadayag ni Atty. Floriezyl Echavez Podot, head sa PMI Bohol Boxing Promotions, nga gipangandaman ug maampingong plano ang ruta ni Suganob paingon sa world title fight, subay sa giya sa World Boxing Organization (WBO).
Maampingong lakang ang giaplikar human sa setback sa sayo niining tuiga, diin ang naka-schedule nga IBF light flyweight title eliminator ni Suganob batok ni Jayson Vayson nakansela.
Si Vayson midiretso sa world title shot batok sa champion nga si Oscar Collazo, nga nakadelay sa title ambitions ni Suganob.
Bisan og usa ra ang iyang fight karong tuiga, si Suganob mag-headline sa “Kumong Bol-Anon 23” kontra sa Tanzanian Mchanja Yohana sa 10-round non-title bout.
Matod ni Podot, kini usa ka calculated step sa plano ni Suganob aron mapataas ang iyang ranking.
Sa pagkakaron, nahimutang si Suganob sa No.4 sa WBO light flyweight rankings ug No. 11 sa IBF. Ang pagdaog batok ni Yohana, nga usa ka WBO Global flyweight champion, posibleng mopataas sa iyang ranking ug magpadayon sa pagdaug batok sa ubang world-rated opponents.
Bisan pa sa mga hagit ug delay, nagtuo ang PMI Bohol Boxing Promotions nga ang methodical approach ni Regie Suganob magdala gihapon kaniya sa sunod nga higayon sa world stage sa boxing.
Photo Courtesy to:Tapology
