Nausab ang huna-huna ni Olympian boxer Hergie Bacyadan nga mosalmot na sa 33rd Southeast Asian (SEA) Games.
Ang nasangpit nga kausaban nahitabo human siya nakighinabi kang Association of Boxing Alliances of the Philippines (ABAP) secretary general Marcus Manalo ug Philippine Olympic Committee (POC) secretary Wharton Chan bahin sa posibilidad nga makigtigi sa women’s 70 kilogram division.
Matod niya nga nakakuha siya og suporta gikan sa ABAP ug POC diin mag-training siya og maayo aron modugangan ang timbang.
Makig-uban siya sa Olympians nga sila si Eumir Marcial, Nesthy Petecio ug Aira Villegas aron pauswagon ang kadaugan sa boksing nga nakakuha og upat ka gold, lima ka silver ug usa ka bronze medal sa 2023 SEA Games sa Cambodia.
Photo courtesy to: Preview.ph
