Sulod na sa Finals ang Filipino gymnast nga si Karl Eldrew Yulo, sa individual all-around ug tulo ka apparatus sa 3rd Artistic Gymnastics Junior World Championships nga gipahigayon sa Pasay City.
Sa qualifiers, ang pinakabata nga si Yulo miiskor og 78,332 points sa tibuok apparatus, nga ika-15 sa kinatibuk-an.
Mi-qualify usab siya sa floor exercise, vault ug horizontal bar finals. Matod pa niya, nga bisan og natuman na ang iyang pangandoy, wala pa mahuman ang away busa kinahanglan pa siyang motrabaho og maayo sa finals.
Ang individual all-around finals, ipahigayon karong adlawa samtang sa Domingo usab ang floor exercise finals ug ipahigayon sa adlawng Lunes ang horizontal bar finals.
Suportado ug nitan-aw usab si double Olympic Gold medalist Carlos Yulo sa dula sa iyang igsoon.
Photo courtesy to: X
