Mokabat sa 20 ka Pilipinong marinero ang nasikop human ang mga awtoridad sa Nigeria nakasakmit og labing menos 20 ka kilos nga cocaine nga gitago sa usa ka barko nga naglawig gikan sa Brazil paingon sa Lagos, kini matod pa sa National Drug Law Enforcement Agency (NDLEA) kagahapong adlawa Biyernes.
Ang taas nga kalidad nga cocaine nakit-an sa usa ka barko nga rehistrado sa Panama niadtong Domingo, nga gitago ilalom sa kargamento. Wala masuta sa National Drug Law Enforcement Agency ang eksaktong sulod sa kargamento, apan giingon nga ang barko kasagaran nagdala og coal nga ang ruta sa Brazil-Colombia.
Samtang ang National Drug Law Enforcement Agency nakigtambayayong na kini sa mga ahensya sa anti-drug sa US ug UK aron imbestigahan ang usa ka cartel nga nalambigit sa pagpayuhot og 1,000 ka kilo nga cocaine nga nadiskobrehan sa usa ka container sa pantalan sa Lagos.
Ang mga Pilipinong marinero anaa na karon sa kustodiya sa mga awtoridad alang sa tukmang imbestigasyon.
Photo courtesy to: Channels TV
