Gipadayag ni kanhing Department of Health (DOH) Officer in Charge Dr. Maria Rosario Singh Vergeire nga dili patas ang kasamtangang proseso sa pag-allocate sa pondo alang sa mga ospital, tungod kay mas napaboran niini ang dagkong medical centers kaysa sa mga gagmayng ospital sa lagyong dapit sa nasod.
Gibutyag sa kanhi opisyal ang maong isyu atol sa ‘UHC in Numbers: A Forum On The Philippines’ Progress in Universal Health Care’ nga gipahigayon sa Philippine Institute for Development Studies (PIDS) sa Pasig City niadtong Huwebes, Nobyembre 20. Matod pa ni Vergeire, dugay na niyang nabantayan ang dakong kalainan sa pondo, ilabi na sa panahon nga iyang gipangulohan ang DOH operations sa Northern ug Central Luzon.
Sumala niya, gamay ra kaayo ang pondo nga madawat sa gagmayng ospital, hinungdan nga dali ra kini mahurot ug mapugos sila mangayo og dugang pondo. Samtang ang dagkong ospital, nga kaya matud pa suportahan ang ilang operasyon, padayon gihapon nga nakadawat og dakong alokasyon gikan sa national government.
Gipaaksyonan usab ni Dr. Vergeire ang kakulang sa mga tertiary hospitals sa pipila ka rehiyon, luyo sa Php190 bilyon nga pondo nga gigahin para sa health facility investments sa nanglabay nga 15 ka tuig. Iyang gikwestyon kung ngano hangtod karon wala gihapoy tertiary hospitals sa Region 4B (Mimaropa), CARAGA, og BARMM.
Tungod niini, gihingisgan ni Dr. Vergeire nga panahon na aron pangutan-on ang gobyerno kung asa napadulong ang dako kaayong pondo sa milabay nga 15 ka tuig.
Photo courtesy: Wikipedia
