Gipildi sa Philippine men’s football team ang Maldives 2-0 alang sa 2027 Asian Cup Qualifiers. Ang mga bida sa kadaogan sila si Jefferson Tabinas ug Sandro Reyes nga nakatala og tag-usa ka goal sa first half sa duwa nga gipahigayon sa Male’s National Football Stadium sa Maldives.
Tungod sa kadaogan, parehas na sila og standing sa Tajikistan nga adunay upat ka daog ug usa ka pilde nga tag-13 puntos matag usa sa Group A. Mag-atubang ang duha ka koponan sa Marso 2026 aron mahibal-an kung kinsa ang mo-qualify sa 2027 Asian Cup nga ipahigayon sa Saudi Arabia.
Kinahanglan sa Pilipinas nga modaog og hangtod duha ka goals batok sa Tajikistan aron makuha nila ang goal differences.
Mahinumduman, gipildi na sa Pilipinas ang Maldives 4-1 ug nagtabla sa 2-2 ang ilang duwa batok sa Tajikistan niadtong Hunyo diin ang duha ka duwa gipahigayon sa New Clark City Stadium sa Tarlac. Karong Oktubre usab, gipildi sa Pilipinas ang Timor-Leste sa home and away games.
Photo courtesy: Philippine Men’s National Football Team
