Gipagawas na sa mga organizers sa 2028 Los Angeles Olympics ang mga schedules. Magsugod kini sa opening ceremony sa Hulyo 14 ug matapos sa Hulyo 30.
Mokabat sa 11,200 ka atleta ang moapil sa 51 ka sports nga himoon sa 49 ka venues. Ang matag team sports magpakita og parehas o mas dako pa nga gidaghanon sa mga babaye kompara sa mga lalaki.
Kini ang unang higayon nga adunay 50.5 porsyento sa kinatibuk-ang mga atleta ang mga babaye.
Sa labing unang adlaw pa lang, himoon na ang women’s triathlon nga naglakip sa 100 meters women’s triathlon. (Apan, kadaghanan sa triathlons kasagarang naglakip sa 1500m nga paglangoy, 40km nga bisikleta, ug 10km nga dagan.)
Matod ni LA28 chief of sport Shana Ferguson, nga sa unang adlaw pa lang, mahibaw-an na ang pinakapaspas nga babaye sa tibuok kalibutan. Daghang mga atleta ang naghinam-hinam sa bag-ong kategorya diin ang uban nagsugod na sa pagbansay-bansay.
Photo courtesy: International Olympic Committee
