Makapalantip sa hunahuna ang pagkaon og bittersweet, dark chocolate, sulod lang sa usa ka oras, sumala sa pagtuon sa Japan.
Gikumpirma kini sa mga tigduki-duki sa Shibaura Institute of Technology human sa daghang mga eksperimento sa mga ilaga sa laboratoryo nga gipakaon og flavanol compounds nga adunay antioxidant effects. Sumala sa mga pagtuon, ang flavanols makapadasig sa pagpagawas sa noradrenaline sa utok, usa ka kemikal nga makapalig-on sa pokus ug panghunahuna.
Dugang pa niana, gikumpirma pinaagi sa pag-focus sulod lang sa usa ka oras, ang mga ilaga sa laboratoryo nakahimo og 30% nga mas maayo sa memory test kon itandi sa mga wala gipakaon og dark chocolate.
Ang mga resulta gipagawas sa Oktubre nga edisyon sa Current Research in Food Science journal, diin gi sulti sa mga tigdukiduki nga ang grupo sa flavanol nagpakita og mas aktibo ug mausisaon nga pamatasan.
Photo courtesy to: Istock
