Gianunsyo ni June Mar Fajardo ang iyang pagretiro sa pagduwa sa Gilas Pilipinas. Ang 35-anyos nga PBA star niingon nga daghan na karon ang mga batan-ong magduduwa nga angayan nga magdala sa bandera sa nasod sa mga international games. Lakip sa iyang gitumbok mao si Quentin Millora-Brown kinsa makauban usab niya sa FIBA Basketball World Cup Asian Qualifiers.
Matod pa niya nga sila si Kai Sotto, AJ Edu, Kevin Quiambao, Dwight Ramos ug Carl Tamayo mga batan-ong magduduwa usab sa Gilas Pilipinas.
Dugang pa niini nga importante ang pagbansay sa mga batan-on ug tag-as nga mga magduduwa aron ang Gilas maoy modominar sa bisan unsang duwa sa basketball gawas sa nasod.
Karong umaabot nga Nobiyembre 28, ang Gilas moadto sa Guam alang sa first Window sa FIBA World Cup Asian Qualifiers, diin ilang duwaon ang ilang duwa batok sa Guam karong Disyembre 1.
Photo courtesy to:Rappler
