Mas napoalig-on pa sa San Miguel Beermen ang ilang winning streak sa nagpadayon nga PBA 50th Season Philippine Cup human nila gitambakan ang Titan Ultra, 158–117, sa duwa nga gipahigayon sa Ynares Center.
Gikan pa sa pagsugod sa duwa, nagdominar na ang Beermen ug wala na gyud hatagi og kahigayonan ang Titan nga makaduol sa puntos.
Sa kasamtangan, ang Beermen adunay lima ka daog ug duha ka pildi (5–2 record), samtang ang Titan adunay duha ka daog ug unom ka pildi (2–6 record).
Naguna sa kadaugan si Cjay Perez nga nakapuntos og 26 points, samtang si Jericho Cruz mitabang og 24 points.
Para sa Titan, nasayang ang 21 puntos ni Von Pessumal, uban pa ang 20 puntos ni Joshua Munzon ug 16 puntos, 10 rebounds ni Calvin Abueva, nga wala makapugong sa kusganong opensa sa Beermen.
Photo courtesy: PBA.PH
