Wala magpadala sa dili maayong lakat sa panahon sa miaging mga adlaw ang pipila ka boksingero sa nasod sa ilang training alang sa umaabot nga 33rd Southeast Asian Games (SEA Games) sa sunod bulan.
Anaa karon sa Baguio City ang mga boksingero sa nasod nga mokompetensya sa SEA Games, diin apil usab kini nga lugar sa mga naapektuhan sa bagyong Uwan.
Matod ni Coach Ronald Chavez, wala kaayo naapektuhi ang ilang training bisan pa man nga naputol ang suplay sa kuryente sa maong lugar. Pipila na ka semana sila nga nagpabilin sa syudad sa Baguio aron magpadayon sa ilang hugtanong training.
Gitinguha karon sa grupo nga malabwan ang ilang nakab-ot sa 2023 Phom Penh Games diin nakakuha sila og upat ka gold, lima ka silver, ug usa ka bronze medal.
Uban sa mga boksingero nga gilauman nga makadala og gold medal mao sila si Nesthy Petecio ug Aira Villegas. Ang SEA Games pagahimoon sa Thailand sugod Disyembre 9 hangtod 20.
Photo courtesy to: bola.com
