Paspas nga miresponde ngadto sa mga nabiktima sa sunog sa Purok 1-B, Brgy. Del Carmen, ang City Social Welfare and Development–Emergency Division ubos sa pagpanguna ni Carolyn Sollano.
Gihimo ang intake assessments ug gihatag ang pasiuna nga food packs aron masiguro ang tukma ug hapsay nga suporta sa mga apektadong pamilya, subay sa mandato sa kinasingkasing nga serbisyo./
Nasayran pinaagi kang SFO4 Romano Tablon, Chief sa Investigation and Intelligence Section sa Bureau of Fire Protection–Iligan, nga nataho kanila ang sunog sa may alas 7:35 sa buntag, Nobyembre 11, 2025.
Mokabat sa 18 ka pamilya nga naapektuhan sa sunog, 12 ka balay ang gilamoy sa kalayo, samtang adunay duha ka residente nga naangol. Gideklara ang fire out pagka-alas 8:37 sa buntag segon ni SFO4 Julian B. Tangub.
Samtang niresponde usab ang mga personahe sa Iligan City Disaster Risk Reduction and Management Office aron suportahan ang mga naapektuhan sa insidente.
