Pormal nga gi-turnover sa Munisipyo sa Maitum ang mga himan pagpanguma ngadto sa buhatan sa Office of the Municipal Agriculturist kaniadtong nakalabayng adlaw sa Maitum Sarangani Province.
Ang seremonyas nagpasiugda sa pasalig sa lokal nga kagamhanan sa pagsuporta sa kalamboan sa agrikultura sa munisipyo. Atol sa kalihokan, ang Malalag Kiayap Irrigators Association nakadawat og 1 ka unit sa 4-wheel drive tractor, samtang ang Mindupok Farmers Association nahatagan og 1 ka unit sa 4-wheel drive tractor ug 1 ka combined harvester.
Diin ang mga makinarya ug ekipo sa agrikultura gihatag ubos sa Rice Competitiveness Enhancement Fund (RCEF) pinaagi sa PHILMECH – Philippine Center for Postharvest Mechanization, nga gitumong sa pagpauswag sa produktibidad sa umahan ug postharvest efficiency sa pag-uma sa humay.
Kini nga inisyatiba nagrepresentar sa padayon nga suporta sa LGU Maitum alang sa mga lokal nga mag-uuma, pagpausbaw sa ilang kapasidad sa pagpataas sa produktibidad, pagsiguro sa seguridad sa pagkaon, ug pagpalig-on sa mga panginabuhian.
Photo Courtesy to: Municipality of Maitum
