Nagpadayon ang Philippine Drug Enforcement Agency (PDEA) Region-10 sa agresibo nga kampanya batok sa ilegal nga droga sa tibuok Bukidnon, nga sakop sa hurisdiksyon niini sa Northern Mindanao.
Gibutyag ni PDEA Regional Director Alex Tablate nga bisan pa sa padayon nga mga paningkamot, daghang gidaghanon sa ilegal nga droga ang nasakmit gihapon atol sa mga operasyon. Sa usa ka bag-o nga buy-bust operation, nadakpan sa mga awtoridad ang usa ka high-value nga indibidwal ug nasakmit ang 17 ka kilo nga shabu mobalor ₱49 milyon.
Gipaambit ni Director Tablate sa pakighinabe sa Juander Radyo Malaybalay ang maong kalampusan nga nagpasiugda sa kamahinungdanon sa padayon nga pagbantay ug kolaborasyon sa mga ahensya sa pagpatuman sa balaod.
Samtang, gipasiugda ni Police Captain Shella Joy Hangad, tigpamaba sa Bukidnon Provincial Police Office, nga ang mga pag-aresto sa Valencia City ug Malaybalay City nahimo pinaagi sa suod nga koordinasyon sa lokal nga komunidad pinasikad sa hugot nga mando ni Officer-in-Charge Provincial Director Col. Oliver S. Navales, nga misangpot sa sunod-sunod nga pagkumpiska sa illegal nga drugas
Gilauman nga ang mga residente sa Bukidnon magpadayon sa pagtinabangay sa mga awtoridad aron masumpo ang mga ilegal nga kalihokan, nga makatampo sa usa ka mas luwas ug mas malinawon nga probinsya batok sa ilegal nga druga
via: PDEA 10
