Gitay-og ug 6.7 magnitude nga linog ang sidlakang baybayon sa Honshu Japan pasado alas 04:04 sa hapon niadtong Dominggo, Nobyembre 9, 2025.
Tungod sa maong insidente, nagpagula gilayon ug tsunami advisory ang Japan ug gipabakwit ang 6,138 ka tawo sa 2,825 ka panimalay sa mga baybayon sa siyudad sa Ofunato sa Iwate Prefecture.
Sumala sa Japan Meteorological Agency nga pasado alas 5:12 sa hapon, usa ka huyang nga tsunami ang naobserbahan 70 kilometros sa baybayon sa Iwate ug banda alas 5:39 sa hapon usab usa ka 10-sentimetro nga tsunami ang naobserbahan sa Ofunato Port.
Nasayran nga miigo ang linog sa siyudad sa Morioka ug sa lungsod sa Yahaba sa Iwate ingon man sa lungsod sa Wakuya sa silingang Miyagi Prefecture.
Samtang gikataho sa East Japan Railway nga nawad-an usab sa kuryente ang Tohoku Shinkansen ug ang mga operasyon gisuspinde tali sa Sendai ug Shin-Aomori stations.
Photo Courtesy to:South china Morning Post
