Usa ka litrato nga nagpakita sa duha ka gikapoy nga mga doktor nga nahigda sa bugnaw nga salog sa operating room human sa 32-oras nga operasyon sa utok, nga nakatandog sa kasingkasing sa mga tawo sa tibuok kalibutan.
Ang duha ka doktor giila nga sila si Dr. Dai ug Dr. Tian gikan sa First Affiliated Hospital of Fujian Medical University. Sulod sa kapin usa ka adlaw ug gabii, sila nagpahigayon sa usa ka delikadong operasyon aron matangal ang brain aneurysm sa usa ka pasyente — ang operasyon nga nagkinahanglan sa taas nga pagtagad ug kahanas.
Human masiguro nga luwas ug stable ang kahimtang sa pasyente, nanglingkod ug dayon nanghigda sa salog sulod sa operating room ang duha ka Doctor nga maoy nakahakot og attensyon sa social media, nga nakadani sa simpatiya ug respeto sa mga netizen gikan sa nagkalain-laing nasud.
Daghang mga tawo ang mipahayag sa ilang pagpasalamat og pagdayeg sa duha ka doktor, nga giisip nga tinuod nga ehemplo sa dedikasyon ug sakripisyo.
Ang estorya ni Dr. Dai ug Dr. Tian nagpakita sa tinuod nga diwa sa propesyon sa medisina: ang pag-alagad uban sa kakapoy, risgo, ug kalisod.
via: Reddit
