Sa usa ka Star Magic Spotlight presscon, mitubag ang batikang aktres nga si Gladys Reyes sa usa ka pangutana nga medyo makalingaw ug makahuna-huna: kung aduna ba siyay gustong sampalon nga kontrabida sa iyang kinabuhi.
Matod pa ni Gladys, hangtod karon wala pa siya’y tawo nga nahimong kontrabida sa iyang tinuod nga kinabuhi.
“Parang wala naman akong maalala. Wala eh, sa tao parang wala naman. Wala akong maisip na parang kontrabida sa buhay ko. Mas marami talagang blessings na bagong tao na dumating sa buhay ko,” matod pa sa aktres nga mas nailhan tungod sa iyang mga kontrabidang papel sa telebisyon.
Apan, gipasabot usab ni Gladys nga kung adunay man siyay giisip nga “kontrabida,” mao ang mga pagsulay o challenges nga iyang nasinati sa kinabuhi.
“Sabihin natin, halimbawa, ‘yung challenges. Sometimes you treat that, kontrabida ‘yun eh sa buhay natin… Kasi feeling mo, okay na sana tapos biglang magkakaroon ng challenge,” dugang pa ni Gladys.
Samtang sa presscon, nakatawa usab ang pipila sa giingon ni Gladys nga mas kusog nga manglaparo ang iyang higala nga si Judy Ann Santos.
“Si Judy Ann Santos mabigat ang kamay nu’n. Mas masakit siyang manampal, mabigat ang kamay nu’n!” matod niini nga dala ang pahiyom.
Sa pikas nga bahin sa iyang kontrabida nga karakter sa TV, nagpabilin gihapon nga positibo ug mapasalamaton si Gladys Reyes sa tinuod niyang kinabuhi — nga para kaniya, mas daghan pa gihapon ang grasya kaysa mga “kontrabida.”
Photo Courtesy to:Philstar.com
