Gipahibalo sa mga eksperto sa panglawas nga adunay 404 ka kumpirmadong kaso sa Rift Valley Fever (RVF) nga natala sa Mauritania ug Senegal gikan Setyembre 20 hangtod Oktubre 30, 2025.
Sa maong gidaghanon, 42 ka tawo ang namatay. Ang RVF usa ka sakit nga kasagarang makaapekto sa mga kahayopan, apan mahimo usab kini makatakod sa tawo pinaagi sa dugo o lamok.
Sa pagkakaron, wala pa’y natala nga human-to-human transmission sa maong sakit.
Sumala sa World Health Organization (WHO), taas ang risgo sa paglapad sa RVF tungod sa sige’ng ulan, pagdaghan sa mga lamok, ug kahayopan. Endemic o kanunay nga nagkakaso sa duha ka nasud ang RVF ug adunay kasaysayan sa pagkahalapad sa impeksyon.
Padayon karon ang koordinasyon tali sa WHO ug mga partner agencies aron matubag ang outbreak gamit ang “One Health” approach, nga nagpasabot sa pagtinabangay sa human, animal, ug environmental health sectors aron mapugngan ang dugang pang pagkaylap sa sakit.
Photo courtesy to:WOAH Middle East
