Gihuptan na karon sa Rain or Shine Elasto Painters ang unang puwesto sa PBA 50th Philippine Cup. Kini human nila gipildi ang Phoenix sa iskor nga 91-80 sa dula nga gipahigayon didto sa Ninoy Aquino Stadium.
Nitala si Gian Mamuyac og 22 puntos, tulo ka rebounds ug tulo ka assists samtang si Anton Asistio adunay 20 puntos. Aduna na’y lima ka daog ug usa ka pildi ang Painter’s human sa upat ka sunod-sunod nga daog, samtang ang Phoenix adunay usa ka daog ug lima ka pildi.
Nasayang ang nahimo ni Jason Perkins nga 17 puntos ug pito ka rebounds alang sa Fuel Masters.
Photo courtesy: Rain or Shine Elasto Painters/Facebook
