Miabot na ang kinatibuk-ang gidaghanon sa mga namatay sa Gaza sa 68,875 sukad mibuto ang gubat tali sa Israel ug Hamas niadtong Oktubre 7, 2023, sumala sa mga lokal nga awtoridad. Samtang, moabot sa 170,679 ang gidaghanon sa mga naangol.
Sa pinakabag-o nga tala, tulo (3) ka patay’ng lawas ug duha (2) ka naangol ang nadala sa ospital sulod sa 24-oras. kini ang rason nga miabot sa 241 ang namatay ug 609 ang naangol sukad gipatuman ang ceasefire (hunong-buto) niadtong Oktubre 10, 2025.
Gawas pa niini, 513 ka patay’ng lawas usab ang na-rekober gikan sa mga nagun-ob nga mga edipisyo sukad nagsugod ang ceasefire.
Dugang pa sa mga awtoridad, 15 ka dugang nga patay’ng lawas sa mga Palestino ang gibalik sa Israel sa tabang sa Red Cross. Tungod niini, miabot na sa 285 ka patay’ng lawas ang kinatibuk-ang naibalik sa Israel sukad gipatuman ang ceasefire. Niining tanan, 84 pa lamang ang nailhan sa mga medical team.
Photo courtesy: Malta Today
