Gilantaw nga motibo ni Pastor Elvin Salarda sa pagpatay sa tresurero sa 7th day Adventist North Central Mindanao Conference nga si Benjie Mendez ang pagkadiskubre niini sa anomaliya nga gihimo sa suspek nga si Intern Pastor Jimboy Abesta nga maykalabutan sa kwarta ug ang pagka terminate niini sa iyang katungdanan.
Gikumpirma ni Pastor Salarda nga taod-taod na matod pa ang kasuko sa suspek ngadto sa biktima tungod sa alegasyon nga wala mahagbongi ang iyang mga remittance sa SSS, PhilHealth ug Pag-ibig.
Apan giklaro ni Pastor Salarda nga gihimo lamang sa biktima ang iyang obligasyon isip tresurero nga bantayan ang panudlanan sa simbahan. Wala magdahom ang SDA nga mahitabo ang makalilisang nga krimen sulod pa mismo sa ilahang simbahan.
