Miangkon si Kris Aquino nga nakasinati siya ug grabe nga kasakit sa bukog kada bugnaw ang panahon, ug gisulti usab niya nga gisulayan niya ang usa ka bag-ong tambal apan wala kini mo-epek para niya.
Sa iyang Instagram post niadtong Nobyembre 5, gisaysay sa “Queen of All Media” nga wala mo-epekto ang tambal nga gi-rekomenda aron maminusan ang kasakit nga dala sa fibromyalgia, usa sa 11 ka auto-immune diseases nga giatubang sa aktres.
Sumala ni Kris, “The bone pain is awful because of the weather. But this is now part of my life and it hasn’t broken my spirit yet.”
Gihisgutan usab sa TV host-actress ang usa ka lalaki nga iyang kauban niya dihang nagsakit siya—nga gituhuan nga si Dr. Mike Padlan, ang iyang kanhing uyab ug doktor sa panahon nga siya nagpa-ayo sa California.
Natapos ang ilang relasyon sa unang bahin sa tuig. Mga nalambigit kang Kris sila si Philip Salvador, James Yap, Alvin Patrimonio, Aga Muhlach, Gabby Concepcion, Robin Padilla, Vic Sotto, Joey Marquez ug Herbert Bautista.
Sa pagkakaron, naa si Kris sa Tarlac kauban ang iyang mga anak nga sila Josh ug Bimby, diin nagkinabuhi sila sa yano ug malinawon nga kinabuhi.
Bisan pa sa iyang kondisyon, nagpabilin nga positibo si Kris ug miingon, “Probinsyana na si KCA, and it’s love, love, love.”
Photo Courtesy to: Philstar.com
