Gikumpirma ni Agnes Clerigo-Maingat, ang head sa Economic Enterprise and Development Management Office (EEDMO)-Iligan City, nga abli na pag-usab ang Esplanade alang sa mga individual nga gusto maglakaw-lakaw uban sa ilang binuhing hayop.
Kahinumduman nga kaniadto, gibutangan kini og karatola nga “No Pets Allowed” tungod sa mga reklamo sa hugaw nga gibilin sa mga hayop, apan sumala ni Maingat, daghang mga hikers ug joggers ang mihangyo nga ibalik ang pagtugot sa pagpasulod sa pets.
Gipahibalo usab nga gitangtang na ang maong signage human sa public consultation, apan gipasidan-an gihapon ang mga pet owners nga magpabiling responsable pinaagi sa paghikot sa ilang pets paglimpyo sa hugaw, ug pagpaniguro nga dili makasamok sa ubang mga bisita.
Sa pagkakaron, padayon nga gimintinar sa EEDMO ang kalimpyo ug kahapsay sa Esplanade aron magpabiling malinawon ug healthy ang lugar alang sa tanan.
