Nakigtambayayong na sa Moroccan ug langyaw nga mga awtoridad ang Catholic Archbishop sa Rabat human nga adunay usa ka pari sa France ang giakusahan sa seksuwal nga pag-abuso sa mga menor de edad nga mga refugee sa Casablanca.
Kini ang giingon ni Arsobispo Cristobal Lopez Romero human gikataho sa usa ka Moroccan news website nga si Padre Antoine Exelmans nalambigit sa pagpadagan sa usa ka sistema sa sekswal nga pagpahimulos sa mga minor sulod sa upat ka tuig.
Kalabot niini, gibutyag sa Enass nga adunay gisang-at nga reklamo niadtong Mayo sa miaging tuig batok sa Exelmans. Sumala sa website, nga ang kaso giingong naglambigit sa labing menos unom ka mga biktima, kasagaran niini naggikan pa sa Guinea nga adunay usa ka Cameroonian.
Sa pikas bahin, gibutyag usab ni Romero nga kung unsa man ang tinuod nga balita, sila padayong makigtimbayayong sa mga otoridad ug sundon usab nila ang bisan unsa mang lagda o balaod sa ilang simbahan pinaagi sa pagpaambit sa mga resulta sa ilang imbestigasyon.
Photo for illustration credits to:Helping Survivors of Sexual Assault
