Tingkagol na sa prisohan ang usa ka indibidwal nga gikonsiderang most wanted person human nadakpan atol sa gikasang manhunt charlie operation didto sa Tarragona, Davao Oriental pasado alas 11:08 sa buntag niadtong Nobyembre 3, 2025.
Ang operasyon gipangunahan sa mga personahe sa Davao Oriental MARPSTA ug Tarragona Municipal Police Station nga nagresulta sa pagkasikop ni alyas “Celo”, 48-anyos ug residente sa maong lugar.
Giaresto ang suspek pinaagi sa pagpatuman sa warrant of arrest alang sa kasong lascivious conduct kalabot sa Section 5 (B) sa RA 7610 o Special Protection of Children Against Abuse, Exploitation and Discrimination Act nga giisyu sa korte.
Sa pagkakaron ang dinakpan gikustodiya na sa Tarragona Municipal Police Station alang sa dokumentasyon ug tukmang disposisyon. Ang Regional Maritime Unit 11 nagpadayon sa pagpalig-on sa ilang kampanya batok sa mga malapason sa balaod, ilabina sa walay puas nga paggukod sa mga wanted nga mga indibidwal.
Sila usab nagpabiling pasalig sa pagpanalipod sa kaluwasan sa publiko ug pagpreserbar sa kalinaw sulod sa mga komunidad. Kini nga inisyatiba nagpakita sa usa ka mas lapad nga misyon sa pagtuboy sa lagda sa balaod ug pagsiguro nga ang hustisya makaabot bisan sa pinakalayo nga mga dapit sa nasud.
Photo Courtesy to:Davao Oriental MARPSTA
