Nibalik sa entablado sa pagkanta si Jake Zyrus, nga dugay nang na-miss sa iyang mga fans ug supporters, human sa pipila ka tuig nga nagpahulay sa singing arena.
Niadtong Oktubre, gipahibalo na ni Jake ang pagpagawas sa reimagined versions sa iyang mga pinasikat nga awit, lakip na ang “Pyramid,” nga original niyang kanta pa sa panahon nga siya si Charice.
Gawas sa “Pyramid,” ang Extended Play (EP) nga “Roots” naglakip usab sa mga awit nga “Reset,” “Nobody’s Singing To Me,” “Wherever You Are (feat. Cheesa),” “Yakap,” ug “Lighthouse.”
Sa iyang caption, gisulat ni Jake: “same songs, different heart. Roots. This November.”
Niadtong Martes, Nobyembre 4, gipagawas niya ang teaser sa iyang pag-awit sa “Reset.” Gisundan kini sa teaser sa track 2 nga “Nobody’s Singing To Me.”
Gilauman nga sa umaabot nga mga adlaw, ipagawas pa niya ang ubang teasers o patikim sa reimagined versions sa uban pang mga kanta sa EP.
Photo Courtesy to: Billboard
