Gibutyag ni US President Donald Trump sa usa ka interbyu nga ang Russia ug China naga-test usab og nuclear weapons, dili lang ang North Korea.
Gipadayag ni Trump ang pamahayag tulo ka adlaw human niya gimandoan ang militar sa US nga ipadayon ang testing sa nuclear weapons, nga gisuspinde sulod sa kapin 30 ka tuig.
Iyang gibutyag nga wala siya’y plano nga gamiton ang mga armas nukleyar, apan gikinahanglan ang testing aron masiguro nga kini naga-andar pa.
Gipasiugda sab ni Trump nga ang nuclear power sa US, adunay igong armas aron gub-on ang kalibutan sa 150 ka higayon, samtang iyang giingon nga ang Russia anaa sa ikaduha ug ang China anaa sa ikatulo sa gidaghanon sa nuclear weapons, ug ang China paspas nga nagdugang sa ilang arsenal.
Photo courtesy: Al Jazeera
