Gibutyag ni PDRRMO Head Ferdinand Jun Dy nga ubay-ubay na ang nag-evacuate kagahapong adlawa sa Rosario Balingasag, Misamis Oriental human makasinati sa pagbaha,lakip na ang lungsod sa Tagoloan ning lalawigan. Kini human sa kusog nga pag-ulan nga natagamtaman sa probinsya sa tungod sa Bagyong Tino.
Matod ni Dy nga 25 ka mga mayor ang nagpagawas sa ilang executive order sa pagsuspenso sa tanan level sa klase gumikan sa way puwas nga mga pag-ulan. Nagpahimagno kini sa publiko nga kanunay andam panahon sa mga emerhensya sama sa pagbaha.
Samtang padayon ang gihimong monitoring sa probinsyal kapitol ngadto sa mga kabarangayan nga apektado aron sab dali marespondihan.
Photo courtesy: Misamis Oriental-PROVINCIAL Disaster RISK Reduction & Management Office
