Gisugdan pag-usab ni Israeli Prime Minister Benjamin Netanyahu ang airstrike batok sa Hamas sa Gaza Strip, human niya giakusahan ang militanteng grupo nga milapas sa gikasabotan nga ceasefire.
Kini nga pag-atake nahitabo taliwala sa nagkagrabe nga tensyon, human giingon sa Israel nga naglimbong ang Hamas pinaagi sa paghatag og mga bahin sa patay’ng lawas sa bihag nga narekober na kaniadto, nga usa ka klarong paglapas sa kasabutan.
Matod sa Israel, ang Hamas gilauman unta nga ihatag ang mga patay’ng lawas sa 13 ka bihag. Gipanghimakak kini sa Hamas,og mitumbok nga ang Israel mismo ang nakapugong sa ilang paningkamot nga makit-an ang mga lawas.
Gibasol usab sa Hamas ang Israel sa paglapas sa ceasefire tungod sa ilang mga airstrike. Bisan pa sa pag-atake, nanawagan ang Hamas sa mga mediators nga buhaton ang tanang lakang aron mapugngan ang mosamot nga kagubot.
Gikumpirma sa Gaza Health Ministry nga ang bag-ong airstrike sa Israel miresulta sa kamatayon sa daghang tawo. Gihimo ang airstrike human nag-order si Netanyahu og forceful nga tubag sa giingon niyang paglapas sa Hamas sa kasabutan.
Photo Courtesy to:Radio Canada
