Gipildi sa Los Angeles Dodgers ang Toronto Blue Jays sa usa ka makasaysayanong 18-inning nga dula sa World Series, human si Freddie Freeman mibuhi og walk-off home run nga naghatag sa Dodgers og 6-5 nga kadaugan niadtong Lunes.
Sa halos unom ka oras ug 39 ka minuto, napariha sa marathon ang bakbakan sa Dodger Stadium, diin gipakita na usab ni Freeman ang iyang maayong performance, human usab niya gitapos ang dula pinaagi sa usa ka walk-off grand slam sa miaging World Series
Ang kadaugan naghatag sa Dodgers og 2-1 nga labaw sa best-of-seven Major League Baseball championship series. Ang Game 4 gikatakda sa Martes, diin ang panagsangka gilauman nga mas mograbe samtang nagkaduol ang championship.
Bisan pa sa grabeng kakapoy ug tensiyon, ang Dodgers nagpabilin nga lig-on ug nagpamatuod sa ilang abilidad sa paglahutay sa taas nga mga dula. Samtang, ang Blue Jays kinahanglan nga mobangon aron magpabiling ang ilang tsansa sa titulo.
Photo Courtesy: Espn
