dugta nang napalgan ang lawas sa usa ka dalagita sa usa ka abandonadong balay sa Purok 3A, Barangay Poblacion, Laak, Davao de Oro, alas 11:45 sa buntag, Oktubre 27, 2025.
Sumala sa Davao de Oro Police Provincial Office subay sa report sa Laak Municipal Police Station (MPS) nga nakadawat sila og sumbong gikan sa usa ka Ruel Labadan, residente sa maong lugar, kabahin sa nakita niining patayng lawas nga nadugta ug giingong baho na, busa gilayong girespondehan kini sa mga otoridad.
Daling naglusad ug imbestigasyon ang kapulisan ug positibong gikumpirma sa inahan sa biktima nga si Evangeline Hebolingo Engada nga ang napalgang patay’ng lawas mao ang iyang 15 anyos nga anak.
Nasayrang unom ka bulan na nga gireport nga na-missing ang maong dalagita sukad niadtong Abril 17, 2025.
Sa karon, tungod sa grabeng pagka dugta sa lawas, nakigkoordinar na ang Laak MPS sa Provincial Forensic Unit (PFU) ug Davao de Oro Police Provincial Office (DDOPPO) aron ipailawom sa post-mortem examination aron masuta ang hinungdan sa kamatayon sa biktima.
