Napakyas pag-usab ang Boston Celtics nga makuha ang unang kadaugan, human gipildi sa Detroit Pistons sa ikatulo nilang dula karong season sa score nga 119 – 113. Nibubo og 41 puntos si 2024 NBA Finals MVP Jaylen Brown, apan dili kini igo alang sa Celtics nga makuha ang kadaugan.
Naghiusa ang mga star player sa Pistons aron dominahon ang kadaugan nga gipangunahan ni Jalen Duren kinsa miiskor og 24 puntos ug 18 ka rebounds samtang nikasa usab og 21 puntos ug 12 ka rebounds si Ausar Thompson.
Nakahimo usab og 25 puntos lakip na ang walo ka assists alang sa Pistons si Cade Cunningham. Huyang nga depensa ang gipakita sa Boston sa ilang tulo kadula, nga gipahimuslan sa ilang mga kaatbang sama sa Pistons.
Sa nahisgutang dula, nakakuha lamang og 38 ka rebounds ang nahimo sa Celtics, samtang adunay 55 ka rebounds ang Pistons. Nagpabiling wala nakadula si Celtics Star Jayson Tatum ug padayong nagapaalim sa iyang achiles injury.
Photo Courtesy to: Screen grab youtube
