Gibutyag sa Department of Social Welfare and Development nga walay internally displaced persons (IDPs) sa Negros Island Region bisan sa bag-ong pagbuto sa bulkang Kanlaon.
Sa report sa ahensiya, walay nahitabong evacuation o pagbakwit sa mga komunidad nga nakapalibot sa bulkan. Apil dinhi ang La Castellana, Canlaon City, Murcia, La Carlota City, ug Bago City.
Bisan pa niini, nagpabilin sa ground ang Quick Response Teams (QRTs) aron bantayan ang sitwasyon sa mga komunidad ug maghimo og koordinasyon sa mga lokal nga kagamhanan.
Matod sa DSWD, nakaandam sila nga magtagana og technical assistance ug posibleng resource augmentation kung gikinahanglan.
Gawas sa mga naka-preposisyon nga family food packs, nakatakda na sab nga dalhon sa mga apektadong komunidad ang uban pang logistics sa DSWD sama sa mobile kitchen, mobile command center, ug water filtration trucks.
Niining tunga-tunga sa tuig gipaubos sa Alert Level 2 ang alerto sa bulkang Kanlaon ug gitugutang mobalik ang mga apektadong residente sa ilang mga panimalay.
Photo Courtesy to:Remate
