Gidaro sa usa ka Montero ang upat ka mga sakyanan pasado alas 10:00 sa buntag niadtong Sabado, Oktubre 25, 2025 didto sa barangay road, Purok 11A, barangay Bagontaas, Valencia City Bukidnon. Gimaneho ang maong sakyanan ni alyas Arturo, 82-anyos senior citizen.
Base sa report, nga nagsubay ang Montero sa barangay road gikan sa Purok 4, barangay Bagontaas ug paingon sa Purok 11A sa nahisgutang barangay dihang pag-abot sa nasangpit nga lugar nitipas kini sa pikas lane ug aksidenteng gidaro ang motorsiklo, bongo, van ug Multicab Pick-up type nga nakaparking daplin sa dalan.
Giingong giatake sa sakit sa kasing-kasing ang driver nga Montero kinsa daling gidala sa tambalanan apan gideklara nga dead on arrival sa nag-atiman nga doktor.
Gipahinumduman karon sa kapulisan sa mga motorista nga kanunay mag-amping samtang nagmaneho ug makigtambayayong sa mga otoridad kalabot sa road safety rules.
via: Valencia City PNP
