Nakarehistro og 26 puntos si Deni Avdija, lakip ang unom ka asist ug lima ka rebounds, isip usa sa walo ka players sa Portland, nga nakakuha og double digit nga puntos, aron matabangan ang Trail Blazers nga mapildi ang bisitang Golden State Warriors sa final iskor nga 139 vs 119 niadtong milabay’ng adlaw.
Nakakuha sab si Jerami Grant og 22 ka puntos gikan sa bench ug si Toumani Camara og 19 ka puntos, pito ka rebounds ug tulo ka steals samtang giputol sa Portland ang siyam ka dula nga pagkadaug kontra sa Golden State.
Wala sab nagpalupig si Shaedon Sharpe nga nakatala og 17 ka puntos ug si Donovan Clingan nagdugang og 14 ka puntos ug walo ka rebounds alang sa Trail Blazers.
Nahimong unang Brazilian si Tiago Splitter nga nagdumala og dula sa NBA sa Portland, samtang temporaryo nga gipangulohan niya ang team human ibutang si Chauncey Billups sa pahulay human siya nadakpan niadtong milabay’ng adlaw isip kabahin sa imbestigasyon sa sugal sa FBI.
Photo Courtesy to:Youtube
