Milunsad ug laing airstrike ang Estados Unidos batok sa usa ka sakayan nga puno sa ilegal nga droga sa dagat sa Caribbean. Giila ni US Defense Secretary Pete Hegseth Hegseth ang mga target isip kabahin sa Tren de Aragua, usa ka bantogan nga sindikato nga nalambigit sa pagpamaligya og droga ug transnasyonal nga krimen.
Sa operasyon, unom ka lalaki nga narco-terrorist ang namatay human ang usa ka precision airstrike miigo sa sakayan nga ilang gisakyan. Sumala sa report sa Pentagon, kini ang ikawalong operasyon sa militar sa US nga naka-focus sa mga grupo nga nagdala og ilegal nga droga sa kadagatan sa Amerika.
Sa laing pahayag, si US President Donald Trump miingon nga ang serye sa mga airstrike kabahin sa gipakusog nga kampanya sa gobyerno aron hingpit nga mapugngan ang pagpamaligya og droga sa rehiyon.
Ang militar sa US kauban ang mga kaalyado nga nasud sa Latin America nagpadayon sa pagpakusog sa mga paningkamot sa surveillance ug interdiction sa kadagatan, aron mapugngan ang operasyon sa mga sindikato sa Caribbean.
via: AI JAZEERA
