Andam na ang Pilipinas isip sunod nga chairman sa Association of Southeast Asian Nations (ASEAN) alang sa pormal nga turnover sa chairmanship gikan sa Malaysia sa 47th ASEAN Summit sa Oktubre 28.
Sumala ni DFA Spokesperson Assistant Secretary Angelica Escalona, gamiton sa nasud ang maong kahigayunan aron ipakita kung unsaon pangunahan sa Pilipinas ang rehiyon.
Gipunting sa Pilipinas ang pagpalig-on sa kalinaw ug seguridad, maritime cooperation, economic integration, ug community-building efforts, lakip na ang pagtubag sa climate change ug geopolitical tensions.
Apil usab sa mga tumong sa chairmanship ang pag-abli sa mas daghang oportunidad alang sa micro, small, and medium enterprises (MSMEs) ubos sa ASEAN-China Free Trade Area 3.0, ug ang pagpalig-on sa Code of Conduct sa South China Sea aron mapabilin ang kahapsay sa rehiyon.
Gikonsidera sa Department of Foreign Affairs (DFA) nga simbolo kini sa pagsalig sa mga kasikbit nga nasud sa pagpamuno ni Pangulong Ferdinand Marcos Jr., samtang padayon ang pakig-alayon sa Pilipinas sa uban pang miyembro sa ASEAN alang sa maayos nga pagpatuman sa mga programa ug proyekto sa samahan.
via: BusinessWorld Online
