Gipresentar sa Department of Public Works and Highways (DPWH) Region 10 ang usa ka detour plan alang sa Bukidnon–Davao Road atol sa koordinasyon meeting nakalabayng adlaw, 2025, sa Municipal Mayor’s Office, Libertad, Quezon.
Ang pagpulong gihimo aron masiguro ang padayon nga pag-ayo sa dalan human sa nahitabong landslide sa lugar ug aron maprotektahan ang kaluwasan sa publiko.
Kahinumduman nga si DPWH Secretary Vince Dizon nihatag og 4–5 ka bulan nga timeline sa pag-abri sa detour. Samtang, mihangyo si Mayor Poling nga hatagan og konsiderasyon ang epekto niini sa ekonomiya, panginabuhi, ug adlaw-adlaw nga biyahe sa mga residente, labi na sa panahon sa emerhensiya.
Ang Bukidnon–Davao Road mao ang nagkonektar sa Northern Mindanao ngadto sa Davao Region, ug usa ka vital nga agianan sa nagkadaiyang produkto, ilabi na sa exports. Sumala sa mga report, nisaka ang presyo sa mga produkto tungod sa mas taas nga transport costs sukad sa pagkasirado sa dalan.
Gitutukan sa maong pagpulong ang finalisasyon sa alternatibong ruta aron malikayan ang kalangan sa transportasyon ug maprotektahan ang mga residente samtang nagpadayon ang geotechnical engineering procedures ug konstruksyon sa apektadong bahin sa kalsada.
Gipangulohan ni DPWH Regional Director Engr. Lilibeth C. Aparecio ang diskusyon, kauban si Supervising Geologist Joy Christine V. Asis ug ang ilang teknikal nga team.
via: Municipality Of Quezon
