Gipahibalo sa World Health Organization (WHO) nga misaka na usab ang mga kaso sa human immunodeficiency virus (HIV) infections sa Pilipinas kini sulod sa 14 ka tuig.
Matod sa ahensya nga atol sa usa ka side event sa ika-76 nga sesyon sa WHO Regional Committee for the Western Pacific nga gi-organisa sa Joint United Nations Programme on HIV/AIDS (UNAIDS), tulo ka nasud ang namatikdan nga adunay pagtaas sa kaso sa impeksyon sa HIV, diin lakip na ang Fiji, Pilipinas ug Papua New Guinea.
Base sa WHO nga misaka sa 562 porsyento gikan sa 2010 hangtod 2024 ang kaso sa HIV diin ang Pilipinas dugay nang gikonsiderar nga usa sa pinakapaspas nga pagtubo sa mga sakit particularmente na sa HIV.
Gani, gikataho niadtong Miyerkules nga ang pagtaas sa mga kaso sa HIV tungod sa mga pagkighilawas sa lalaki sa lalaki ingon man sa paggamit ug droga. Dugang pa, usa usab sa rason sa pagsaka sa kaso mao ang dugay nga pagdayagnos ug ubos nga antiretroviral treatment coverage diin anaa lamang sa 40 porsyento niadtong 2024.
Photo for illustration credits to:Nowserving
