Human sa sunod-sunod nga kapildihan sa singles, mibalik si Alex Eala sa doubles event ug miabante sa quarterfinals sa Guangzhou Open sa Nansha International Tennis Center sa Guangzhou, China.
Si Eala nakig-uban sa beteranong Ukrainian netter nga si Nadiia Kichenok ug dali nilang napildi ang fourth seeds nga sila si Emily Appleton sa Great Britain ug Qianhui Tang sa China, pinaagi sa score nga 6-4, 6-2.
Sila si Eala ug Kichenok nakatala og 79 porsiyento sa unang serve nga adunay winning point nga 64 porsiyento, samtang ang ilang mga kontra naka-record og 65 porsiyento winning points sa unang serve. Dugang pa, 64 porsiyento sa ikaduhang serve ang nakadaog, samtang nakahimo ang Appleton ug Tang og lima ka double faults sa tibuok duwa.
Ang duwa sa doubles nabalik sa kataposan human gi-postpone sa tulo ka higayon tungod sa kausaban sa eskedyul sa torneyo.
Sa quarterfinals, magsangka si Eala ug Kichenok batok sa Russian duo nga sila si Kamilla Rakhimova ug Polina Kudermetova, nga nakadaog sa 2-6, 6-2, 10-3 kontra kang Peangtarn Pilpuech sa Thailand ug Zheng Wushuang sa China.
via: Alex Eala
