Gitagbo ni PBGEN Christopher N. Abrahano, Acting Regional Director sa Police Regional Office 10, si DPWH Secretary Vince Dizon, kauban si Bukidnon Governor Rogelio Neil Roque sa Laguindingan Airport alang sa gihimong ocular inspection ug damage assessment sa nahitabong landslide sa Purok 6, Zigzag, Barangay Palacapao, Quezon, Bukidnon.
Uban ni PBGEN. Abrahano ang Swat team, mga personahe sa Regional Mobile Force Battalion 10 ug Bukidnon Police Provincial Office diin gisiguro ang siguridad sa Kalihim nga nag atubang sa posibleng hulga sa kaluwasan tungod sa padayong internal cleansing sulod sa ahensya ug kampanya batok korapsyon sa imprastraktura.
Ang landslide nahitabo niadtong Oktubre 18, 2025, alas 8:40 sa gabii, diin usa ka bahin sa Bukidnon-Davao National Highway ang nahugno ug midahili sa ubos nga parte sa dalan diin usa ka bao-bao ang nahulog sa pangpang atol sa insidente, ug padayon karon ang search and retrieval operations aron makit-an ang mga nawagtang nga biktima.
Photo courtesy: RCADD PRO 10
