Mobalik si basketball legend Michael Jordan sa NBA coverage sa NBC isip special contributor, sulod sa programa nga “MJ: Insights to Excellence.” Gisugdan kini sa season opener tali sa Oklahoma City Thunder ug Houston Rockets, diin mitambong siya aron ipaabot nga gusto niyang mobalos sa dula nga nakahatag kaniya og kadungganan.
Matod ni Jordan, ang iyang tumong mao ang pagpaambit sa mga leksyon sa kalampusan ug dedikasyon sa basketball, isip pamaagi sa pagtabang sa mas bag-ong henerasyon. Giangkon niya nga mas gipili na karon ang panahon uban sa pamilya, apan nagpabilin gihapon ang iyang kusog nga competetive spirit bisan dili na siya aktibo sa court.
Ang NBC, nga mibalik sa NBA broadcasting human sa kapin duha ka dekada, naggamit pag-usab sa sikat nga theme song nga “Roundball Rock” ug nadungog pag-usab ang tingog sa sports narrator nga si Jim Fagan pinaagi sa artificial intelligence.
Gikatakdang ipagawas sa Oktubre 28 ang sunod nga bahin sa pakighinabi ni Jordan ug Mike Tirico, diin pagahisgutan nila ang isyu sa “load management” sa mga NBA players.
Source: Reuters
Photo credits to:Fadeaway World
