Nanawagan ang Department of Education (DEPED) nga ibalik sa ilang buhatan ang pagkontrola sa pondo alang pagpabarog sa dugang mga classrooms sa tuig 2026.
Kini human nga anaa lang sa 22 ka mga tulunghaan ang napabarog ilawom sa pagpatuman sa Department of Public Works and Highways (DPWH) ning tuiga ug sa nakalabay pang mga tuig.
Gisubli sa DEPED ang panawagan alang sa pagpabalik sa pondo human sa migula ang report may kalabutan sa dili maayong pagpatuman sa mga proyekto sa nagkadaiyang bahin sa nasud.
Sa direktiba nga gibutyag ni Pangulong Ferdinand Marcos Jr. nga magpabarog sa 40,000 ka mga tulunghaan sa 2028, giingon sa DEPED nga kinahanglan may flexibility ang pagpatuman sa proyekto sa 2026 budget.
Niini nga paagi, direktang mapondohan sa ahensya ang mga local government units (LGUs),Armed Forces of the Philippines (AFP) Corps of Engineers, o bisan ang mga pribadong sector aron mapadali ang konstruksyon.
Ang maong lakang, nagtumong sa mas lapad nga panan-awon aron matubag ang mga kakulangan sa mga tulunghaan sa nasud isip mga nag-unang babag sa paghatag ug kalidad nga edukasyon sa mga kabataan.
Photo courtesy to:unbox PH
