Wala pa maapil sa plano sa Bureau of Fire Protection (BFP) Region 9 sa budget request sa tuig 2026 ang pagpalit sa Aerial Ladder Truck alang sa Zamboanga Peninsula Region.
Kini ang pagpaklaro ni BFP 9 Regional Director FCSUPT Jerry D. Candido atol sa gipahigayong Kapihan sa Rehiyon Nueve.
Kahinumduman, usa ang aerial ladder truck nga gihangyo sa City Government of Pagadian ngadto sa BFP 9 aron magamit sa panahon nga adunay masunog nga high rise building sa syudad.
Dugang saysay ni RD Candido bisan kinahanglanon ang maong aerial ladder truck sa mga building nga gitukod sa Pagadian apan dili nila pwedi nga ma-insert ang pag-request niini sa 2026 budget.
Apan giingon sa Opisyal nga makigkoordinar sila sa BFP Headquarters aron malakip na kini sa ilang request sa tuig 2027 aron magamit sa kabomberohan sa syudad lakip sa kasikbit nga lugar.
Photo courtesy to:PIA
