Arestado sa mga kapulisan ang usa ka Top 3 Most Wanted Person Municipal Level atol sa gikasang law enforcement operation sa Purok Nangka Barangay Miligan, Molave Zamboanga del Sur, adlaw’ng lunes, Oktubre 20, 2025.
Wala na pangalani sa PNP Molave ang dinakpan nga 26 anyos, babaye ug residente sa lugar. Ang operasyon gihimo pinasikad sa gahom sa Warrant of Arrest nga gibitbit sa mga kapulisan sa Molave Municipal Police Station kauban sa CIDG-ZDS Provincial Field Unit, 902nd Regional Mobile Force Battalion 9.
Ang warrant of arrest giisyo sa Presiding Judge of RTC Branch 23 9th Judicial Region, Molave Zamboanga del Sur may kalabutan sa kasong 54 counts of Theft ingon man sa 2 Counts of Simple Theft pinaagi sa Republic Act 10175, ug sa Cybercrime Prevention Act of 2012.
Gitugutan sa korte ang dinakpan nga maka pyansa bugti sa iyang temporaryong kagawasan. Sa karon ang dinakpan tanggong pa sa Molave Municipal Police Station alang sa dokumentasyon ug proper disposition.
Photo courtesy to:Molave Municipal Police Station
