Mipahigayon ang DICT Career Fair 2025, sa Department of Labor and Employment Region XII (DOLE XII), uban sa pakigtambayayong sa Department of Information and Communications Technology (DICT) pinaagi sa ICT Industry Development Bureau (IIDB), ug sa Local Government Unit sa General Santos City lakip na ang City Economic Management and Cooperative Development Division Office (CEMCDO) ug Public Employment Service Office (PESO), sa General Santos City.
Ang kalihokan gipasiugdahan ni Senior LEO Engr. Perolen G. Flores uban sa mga representante sa Local Government Unit sa General Santos City ug Department of Information and Communications Technology (DICT).
Ang maong aktibidad nagtigom ug 22 ka mga partisipanteng kompanya nga nagtanyag ug kinatibuk-ang 1,237 ka oportunidad sa trabaho alang sa mga nangitag trabaho. Sa kinatibuk-an nga 405 ka mga rehistrado nga nangita og trabaho, nga gilangkuban sa 183 ka lalaki ug 222 ka babaye. Gikan niini, 2 ka lalaki ug 3 ka babaye ang gi-hire on the spot (HOTS).
Kini nga inisyatiba nagpasiugda sa padayon nga pasalig sa DOLE XII sa pagpasiugda og trabaho ug pagpalig-on sa inter-agency collaboration sa pagsuporta sa desente ug malungtarong mga oportunidad sa trabaho alang sa matag katawhan.
Photo courtesy to:DOLE 12-General Santos City Field Office
