Na mano ya ahora del otoridad el 3 alegao suspechao na matanza con el un abuela alyi na Purok 1, barangay Vitali en este ciudad del pasao dia.
Con el maga suspechao ya identifica como canda Reynold dela Cruz, Ricky Hopolito alyas “bambi” y si Janet Gonzales alyas “kana” legal el maga edad ambos maga residente en este ciudad.
Si ta acorda ya sustene 17 herida de puñelada el pobre victima que ya identifica como si asuncion pajarito 69 anyos mojer, que asegun pa na inisyal investigacion robo el posible motivo del crimen donde ya sale perdedo el maga alahas, cellphone y sen que tiene cantidad mas o menos un million de pesos.
Mientrastanto el otoridad ta continua pa el mas del investigacion aserca con el mencionao crimen mientras el maga suspechao na custodia del ps-1 vitali y esperansao hay enfrenta el propio caso na corte
