Mukabat sa 64 ka South Koreans ang gipa-uli human naka detine sa Cambodia tungod sa pagkalambigit sa mga operasyon nga online scam, segun sa mga awtoridad sa South Korea.
Ang ilang pagbalik ang dungan sa pagpatay sa usa ka South Korean nga estudyante sa kolehiyo niadtong Agosto, nga gituohang biktima sa employment scam sa Cambodia.
Pag-abot nila sa Incheon Airport sa Seoul, pipila sa mga nakauli ang naksuot ug kalo ug mascara ug dunay mga posas samtang gi-alalayan sa mga kapulisan.
Kahinumduman nga nagpagawas ang panggamhana sa South Korea ug “code-black” travel ban sa pipila ka lugar sa Cambodia ug nagpadala sa mga opisyal aron tabangan ang katawhan sa mga nailad ug napugos sa panarbaho isip mga scam compound.
Mokabat sa 1,000 South Koreans ang nalakip ug kapin sa 200,000 katao gikan sa managlahing nasod ang nalambigit sa mga scam operations sa Cambodia, segun kana sa National Security Adviser nga si Wi Sung-lac.
Gisugo na usab ni President Lee Jae Myung ang paspas nga pagtangtang sa mga ilegal na online job ads dili lang sa Cambodia kundili sa tibuok South East Asian. Subay sa report sa United Nations, ang mga scam center sa South East Asian ang bilyon-bilyong dolyar kada tuig ang ilang makumkom pinaagi sa mga online ug phone scam.
Photo courtesy to:The Korean Times
